Буйнейшыя беларускія рэйтынгі інтэрнет-рэсурсаў Akavita.by, All.by і Br.by прынялі пагадненне, накіраванае на барацьбу з несумленнымі ўдзельнікамі рэйтынгаў.
        Згодна дамоўленасці, сайт, вылічаны ў штучным павышэнні сваёй пазіцыі ў рэйтынгу, будзе выдалены з усіх трох рэйтынгаў тэрмінам на 1 месяц; прычым для прымянення санкцый дастаткова накруткі хаця б аднаго з лічыльнікаў.
        Адміністратары рэйтынгаў звяртаюць увагу патэнцыйных парушальнікаў на той факт, што падчас ручнога аналізу выяўляюцца любыя спосабы накрутак, уключаючы самыя сучасныя (з выкарыстаннем iframe і сэрвісаў, падобных neosap) і заклікаюць вэбмайстроў весці сумленную гульню, захоўваючы прыстойны імідж сваіх праектаў.